Doa Santo Franciskus.

TUHAN, jadikanlah aku pembawa damai.

Bila terjadi kebencian, jadikanlah aku pembawa cinta kasih.

Bila terjadi penghinaan, jadikanlah aku pembawa pengampunan.

Bila terjadi perselisihan, jadikanlah aku pembawa kerukunan.

Bila terjadi kesesatan, jadikanlah aku pembawa kebenaran.

Bila terjadi kebimbangan, jadikanlah aku pembawa kepastian.

Bila terjadi keputus-asaan, jadikanlah aku pembawa harapan.

Bila terjadi kegelapan, jadikanlah aku pembawa terang.

Bila terjadi kesedihan, jadikanlah aku pembawa sukacita.

Ya Tuhan Allah,

ajarlah aku untuk lebih suka menghibur daripada dihibur;

mengerti daripada dimengerti;

mengasihi daripada dikasihi;

sebab dengan memberi kita menerima;

dengan mengampuni kita diampuni,

dan dengan mati suci kita dilahirkan ke dalam Hidup Kekal.

Amin.

Disiplin Roh orang Kristian

1. Jako Pemuka Pasal Disiplin Roh (Richard Foster).

Nama nya disiplin Roh?. Disiplin roh iyanya pengawa kediri tauka begulai ti dikerja kena ngerapat ka kaul diri enggau Allah Taala, awak ka Iya bisi bekerja aba kitai. Disiplin roh nyekaum pengawa macha bup kudus, besampi, nyembah Iya, bepasa, ngasi, ngako dosa enggau besyukur/beterima kasih.

Jean-Pierre de Caussade, madah “Jiwa- lempung sempama bulu, cair baka ai, enda bedosa baka anak mit- nyebut tiap saat penuh pengasih kurnia baka gelembung benung terebai”, madah ka sempama ti sempurna pasal disiplin roh.

Kitai minta roh kudus ngajar, ngiring kitai, madah pemendar iya ngagai kitai semua nya dikerja Roh Kudus dalam setiap generasi. Chunto: dalam pengidup setiap generasi, terbit mayuh bup pasal sampi, bup nya meri tafsir nuju pengidup tetentu. Bup Rosalind Rinker “Prayer Conversing with God” mayoh udah nulung orang pasal pengidup sampi.

Tuhan ngiring semua orang ti rindu ka Iya, tang Tuhan enda ngiring enggau chara ti sama. Sampi patut dikemerat dalam pengidup disiplin kitai. Enda semua orang ka bisi pengarap nemu chara berandau enggau Tuhan, tang bisi mega orang ti bisi pengarap enda nemu chara besampi. Belajar meh siti ari disiplin.

2. Nyadi ka Disiplin Roh dalam Pengidup (Howard Snyder)

Howard Snyder ngemerat ka lima chara nyadi ka disiplin dalam pengidup Roh:

1. Bisi masa besembiang
2. Meruan besampi
3. Begulai gempuru enggau bala menyadi dalam Kristus lalu besembiang begulai sereta besampi.
4. Begulai enggau sebilik dalam ngemansang ka pengidup disiplin Roh.
5. Begempung enggau anembiak gereja ke bukai dalam sembiang begulai.

3. Penuju disiplin Roh (Richard Foster)

Penuju disiplin, awak ka kitai belajar idup begulai enggau Tuhan (John 15:14) lalu ngembuan buah-buah Roh Kudus.

Penuju disiplin mega awak ka kitai bisi Tuhan, Tuhan deka kitai ngasai idup dalam pengidup Roh lalu Iya deka nyaup pengidup Roh kitai. Disiplin Roh mega ngasuh pengidup kitai senang.

Disiplin patut dikerja enggau pengaga ti datai ari Tuhan (Heh 8:10). Pengaga ngasuh kitai kuat dalam diri kitai empu lalu meri pengelantang dalam ngereja pengawa.

Penuju disiplin mega iyanya ngaga sturkur peneleba dalam diri kitai empu, lebuh maya disiplin kitai makin kuat, mayuh pengawa disiplin ti suah dikerja kitai nyadi ka ulah kitai.

4. Bepasa (Richard Foster)

Dalam pengidup dunya, bepasa nya ketegal ka ngurang ka berat tubuh tang kebendar disiplin bepasa tu nyadi ka disiplin Roh ti tetumpu aba Tuhan. John Wesley madah “Awak pekara nya dikerja Tuhan ngena mata kitai ti mina tetumpu aba Iya, awak ka penuju enggau pekara tu mina ngemulia ka Iya”

Bepasa nyaup nangang tubuh diri lalu meransang kitai dalam sampi. Ari bepasa mega kitai ulih ngarap ka Tuhan meri pekara ti dipinta orang ti amat-amat ngiga Iya (Heb 11:6). Bepasa mesti enggau ati ti sukarela.

Bup Kudus mayuh madah pasal bepasa, antara tuai-tuai bup kudus ti bepasa iyanya Moses, David, Elijah, Ester, Daniel, Paul sereta Jesus.

Bepasa ulih meri penyaup dalam roh ti enda kala diulih ngena chara lain. Bepasa iyanya pengasih enggau berkat Allah Taala ti enda tau dilengka.

5. Kesederhanaan (Richar Foster)

Disiplin Roh ti pengubas iya(sederhana) bereti mina bisi siti penuju iyanya nuju Allah Taala. Kierkegaard madah “Penuci ati bereti ka ke siti pekara” reti iya ka ke pekara ti manah iyanya Allah Taala.

Chara idup sederhana iyanya hasil baka ti disebut Jesus “Enti mata nuan tuchi, semua tubuh nuan deka tampak” (Mat 6:22). Mata ti manah iyanya mina tetumpu aba Tuhan aja lalu Tuhan nyadi ka pusat dalam pengidup kitai.

Ari pengelaman kitai empu, ari timpoh kitai enggau Tuhan sereta enggau anembiak Iya pia mega ari bup kudus, kitai arap iyanya kesederhanaan Kristian amat beguna, setipak sereta patut dikerja. Pilipi 4:12, madah ka kitai,

6. Sampi (Howard Snyder)

Sampi iyanya chara kena kitai ngelala Tuhan. Kitai patut besampi laban:

1. Kena berandau enggau Tuhan, ngulih pengapun sereta pengering.
2. Kitai beguna ka saup dalam ngereja pengawa (James 1:5). Fungsi sampi iyanya ngarah pengidup kitai.
3. Kitai patut meda bemacham pekara ari sudut pandangan Tuhan. Sampi ukai semina bejako enggau Tuhan tang ninga nyawa Iya.
4. Besampi iyanya pekara utama. Besampi iyanya tugas gereja enggau semoa kristian. Lebuh kitai besampi Tuhan deka ngena kitai. Tuhan milih sampi jalai Iya nyalai ka tugas gereja.
5. Bup kudus madah sampi ukai semina dikerja siko aja, tang sampi dikerja semua anembiak Tuhan. Sampi begulai ukai semina kaul enggau pangan diri tang enggau Tuhan mega (Mat 18:20).
6. Sampi nyaup kitai, tang ukai semina deka meri pekara ti beguna kitai. Kitai besampi ngagai Tuhan, muji Iya, meri pengasih kitai ngagai Iya laban kitai nemu Iya, laban Tuhan nagga kitai awak ka kitai ngereja pengawa nya tadi.

7. Kesunyian (Richard Foster)

Kesunyian dalam disiplin suah disalah erti, sunyi ukai bereti kediri tauka tusah ati, tang bereti ngiga ketenangan awak ka ulih focus aba Tuhan.

Kitai tau merati ka Jesus, Iya milih kesunyian awak Iya ulih besekutu enggau Allah Taala. Iya ngepun ka misi iya ba padang gurun siko iya aja (Mat 4:1-11). Ari pengawa Jesus nya kitai merati, kesunyian amat penting awak ka kitai ulih focus ngagai Allah Taala.

Kitai mega patut ngatur masa awak ka kitai ulih belajar bakani chara begulai kediri enggau Tuhan lalu nya meh deka meransang pengidup kitai. Kristus deka nyaup kitai maya ngiga kesunyian, Iya deka madah enti kitai salah jalai.

8. Disiplin enggau spontanitas (Eugene Peterson)

Mayuh sekeda orang bepengarap takut ngerusak spontanitas sida. Disiplin ukai besifat spontan, tang tanda dalam spontanitas. Orang Kristian ngereja disiplin baka besampi, maca bup kudus, besembiang, bepasa, meri pemeri, semua nya ukai ketegal mode tang kitai ngereja laban kitai udah ngaga keputusan ngereja nya.

Tesk chara nemu hubungan organis antara disiplin enggau spontanitas iyanya ari pengasih. Kitai tau merati ka beza antara peneleba enggau disiplin. Peneleba datai ari ulah ti buruk (malas), tang orang ti bedisiplin iyanya orang ti rajin maca bup kudus, besampi sereta besembiang.

Pengudah kitai muai ulah buruk (malas), pengawa pengarap ti bedisiplin ti udah ditetap ka deka narit kitai ngagai dunya ti lantang lalu dia meh Allah Taala.

Orang kristian ti pintar dalam ngereja pengawa sembiang tiap ari, iyanya nyedia ka masa ti tetumpu aba Tuhan aja. Pengawa sembiang ti tenang meh sumber spontanitas.

9. Lima chara ngaga catatan harian Rohani (Howard Snyder)

1. Nulis pekara ti nyadi dalam pemansang aba pengidup

2. nulis pekara ti dirunding ti nyaup orang berunding, meda enggau ngemas diri.

3. nyaup kitai nyadi lebih kreatif

4. ngaga catatan salah siti chara berandau enggau Tuhan

5. ngaga catatan kitai besifat nyembah tauka besembiang. Maca ari bup kudus nyadi ka komen-komen tauka lalau dalam catatan harian kitai.

10. Tirani ari pekara ti tepaksa(mendesak)

Enti kitai enda ngatur diri, kitai mudah kena pekara ti disebut “tirani ari pekara ti tepaksa”.

Ngatur diri enda susah, enti kitai nulis pekara ti patut dikerja enggau nentu ka pekara ti penting. Ngereja pengawa ti penting dulu. Besampi dalam tiap kerja ti ka dikerja, sereta minta saup Allah Taala dalam ngereja pengawa. Awak ka kitai nemu ngatur diri ukai bereti nagang diri tang ngemansang ka diri sereta meri kebebasan. Kitai deka bisi mayuh masa laban kitai udah ngatur masa kitai enggau manah.

11. Penutup

Ari ringkasan tu tadi kitai udah merati ka sekeda pola pengidup kristian ti patut dikemerat ka dalam pengidup kitai kristian maya ari diatu. Awak ka kitai mansang dalam pengarap sereta ngatur pengidup disiplin kitai enggau manah nitih jalai ti betul.

Sanctification

Pengudusan/Holy Life/Sanctification.

Pengudusan tauka idup kudus iyanya salam siti ari doktrin Kristian ti penting dalam ajaran pengarap Kristian. Tajapan penting tang pekara tu mar deka diperati, laban pengudusan tu endang meruan nyadi tauka benung nyadi aba tiap mensia ke udah nyambut pengelepas sereta mensia ke benung dikuduska. Aba assignment tu kitai deka mansik pasal Sanctification nitih ka penemu Bup Kudus.

1. Nama reti Pengudusan/Sanctification?.

Leka jako pengudusan dati ari leka jako Greek iyanya "hagiasmos" ti bereti “diselara” tauka ‘dipisahka” . Enti dalam jako Hebrew iya disebut "qadash" kaw-dash” ti bereti “diberesi” tauka disebut dalam jako diatu iyanya “moral”. Dalam reti leka jako Greek ‘hagiasmos” ti bereti ‘dipisahka’, nitih ajar bup kudus penampak iyanya Allah Taala enda ulih begulai tauka disengkaum enggau pemetang, nyalai iya patut dipisahka reti tu dosa enda ulih begulai enggau Allah Taala. Dalam proses pengudusan iya diselara awak ka nitih ka peneka Allah Taala.

2. Nama kebuah Pengudusan penting?

Bup Kudus madah aba 1 Peter 1:16 “Kudus, “Awak ka kita kudus laban aku endang kudus.” Nyadi tu utai ti diperintah ka Allah Taala ngagai mensia ke udah ditebus ulih darah Jesus Kristus, awak ka sida kudus. Pengudusan tu enda ulih dikereja mensia aja tang patut beguna ka pengering ari Allah Taala(1 Kor 1:30). Leka jako kudus amat penting dalam pengidup mensia, laban idup kudus ngemanah ka kaul kitai enggau Allah Taala kelebih agi dalam ngereja pengawa iya(Hebrew 12:14)[1]

3. Namanya Pengudusan?

Pengudusan iyanya pengasih Allah Taala; nengah pengasihnya orang ti arap nyadi kudus tauka tuchi sereta bulih kuasa kena ngalah ka dosa. Dikuduska bereti dituchi ka, diselara ari penyai. Dalam reti jako bukai pengudusan iyanya apabila siko orang diserah tauka nyerah diri ngagai Allah Taala nyadi piring ti idup ngagai Allah Taala lalu diak Allah Taala deka nguduska utai ka diserah kitai ngagai iya. Kerja nya dikerja Roh Kudus, Roh Kudus nguduska mensia laban Jesus Kristus bekerja nengah Roh Kudus. Orang ti arap patut nyauh ka diri ari pengingin dunya enggau dosa; nyatu ka diri aba pemati enggau pengakat Kristus sereta nyerah ka diri ngagai Allah Taala lalu Allah Taala deka nuci iya enggau Roh Kudus[2].

4. Kaitan pengudusn enggau Baptisa Roh Kudus.

Nitih ka sekeda penemu pengudusan nyadi maya timpoh udah dibaptisa. Perlu dipeda kitai leka jako baptisa lalu iya ngudan dua reti iyanya baptisa ai enggau Roh Kudus. Tiap iko mensia ke arap ke udah nyambut pengelepas tauka selamat ari Kristus diak sida deka dibaptisa ulih Roh Kudus Tuhan empu reti nya diak sida empu deka dikuduska. Laban saat nya sida endang udah nyerah ka pengidup sida ngagai Allah Taala nyadi tu meh titik permulaan pengudusan tiap iko mensia ke udah arap[3].

5. Bakani mensia dikuduska?

Setiap mensia ke udah arap ka Kristus patut diau tuchi retinya sida enda tau enda nyelara diri ari dosa, pengingin dunya enggau penyai lalu patut besatu dalam Kristus iyanya aba pemati enggau pengakat iya. Kitai dikuduska ulih Jako Allah Taala(John 17:17). Beguna amat jako Allah Taala, laban jako Allah Taala tu penuh enggau penampak ti ninjau semua pemetang ti bisi aba pengidup kitai, iya deka nyerungkai semua utai dalam pengidup kitai lalu nempa kitai nyadi mensia ti baru ti kudus. Kitai mega dikuduska ulih darah Jesus Kristus(John 1:7). Jako Tuhan ngajar kitai sereta madah ka pengidup kitai endang bedosa lalu darah Jesus Kristus nuci kitai ari dosa nya. Semua berkat enggau ajar Tuhan ngagai kitai mega dikena dalam pengudusan kitai mensia(Hebrew 12:10). Laban tiap mensia ke bebuah badas iya deka dijarau sereta “diberesi” dan iya awak ngada ka buah ke manah baru sereta lebat. Kitai dikuduska ulih pengarap tauka imam kitai(SPKR 26:18). Pengenapan pengudusan nya begantung sereta bepangai aba imam tuaka pengarap kitai[4].

6. Pengudusan enggau Keselamatan(kudus & selamat)

Beguna amat dalam kitai deka meda beda antara justification enggau sanctification tajapan bisi beda tang iya bekait rapat enggau pangan diri. Dalam keselamatan, Jesus Kristus meri pengidup iya aba kayu regang nyadi piring nebus dosa-dosa semua mensia. Darah iya nuci kitai sereta ngelepas ka kitai ari dunya pemati. Tiap orang ke arap deka dilepaska nengah utai ke udah dikerja Jesus Kristus aba regang. Setiap mensia layak nerima pengelepasnya enda ngira bansa, umor tauka status orang nya. Pengudusan nyadi belabuh ari penyelamatan tau mega disebut kitai belabuh ari ketegal penyelamatan ari Kristus, ti endul alai tiap orang arap nesal ati. Belabuh ari nya kitai nadai agi ditebus ulih darah laban Roh Kudus bekerja dalam kitai, iya deka ngambuh kitai nyadi Kudus.

7. Pengudusan dalam Ada Baru.

Ada Baru ditemu kitai saat siko-siko orang nya udah nerima keselamatan ari Kristus sereta ngako dosa iya lalu iya diau dalam dalam perintah Allah Taala, saat tu iya dikumbai kitai udah “Ada Baru”. Reti tu iyanya, iya udah datai ngagai pengidup ka baru lalu enda agi idup dalam pemetang laban Kristus udah mai iya ngagai penampak. Dalam pengidup ti baru diak pengudusan nyadi aba pengidup iya, pengudusan tu ukai bereti orang nya nadai dosa agi tang pengudusan tu siti proses dalam pengidup iya kena ngalah ka semua penguji dalam pengidup dunya iya. Iya enda agi nyadi ulun dosa tang iya deka beperang ngalah ka dosa. Dalam Ada Baru, orang nya diada ka nengah benih Allah Taala; “Barang sapa ti di-ada ka ulih Allah Taala enggai agi bedosa, laban leka pengidup ti enggi Allah Taala empu bisi dalam ati iya; lalu laban Allah Taala nya Apai iya, iya enda ulih majak bedosa.” 1 John 3:9[5].

Dalam “Ada Baru”, Allah Taala udah ngaga pengidup ka baru aba kitai mensia tau mega dikumbai mensia ti baru ti enda agi diulun dosa, tang deka ngelaban dosa sereta Allah Taala ti nyadi terabai ti nyadi pun pengering. Semua kerja ti dikerja kitai dalam proses pengudusan iyanya siti efek ari karya ti benung tauka udah dikerja Allah Taala dalam diri kitai ulih Roh Kudus iya[6].

8. Pengudusan sebuah Proses yang berlanjutan.

Pengudusan ukai bereti badu dalam penyelamatan, tang iya lebih agi dalam proses dalam penyelamatan nya aba pengidup orang Kristian. Pekara ti perlu diperhatikan kitai iyanya, kitai sama nemu Jesus mati nebus dosa kitai, ukai bereti dosa nya nadai agi tang dosa nya enda bekuasa aba kitai. Retinya kitai diatu benung belaban enggau dunya lama kitai iyanya dosa kitai sebedau kitai diada ka baru, nyadi tu mega dikumbai kitai sesuatu yang baru pengudah kitai nemu sereta ngelala dosa nya endang enda dikerindu ka Allah Taala lalu kitai deka terus ngelaban nya. Nyalai tu disebut kitai sebagai proses dalam keselamatan. Paul terang madah pasal tu aba Galatia 5:17 “Laban utai ti dikedeka orang ti nitih ka gaya pengidup mensia ti bedosa ngelaban peneka Roh Kudus, lalu utai ti dikedeka Roh Kudus ngelaban peneka gaya pengidup mensia ti bedosa. Utai dua bengkah nya bemunsoh enggau pangan, reti nya kita enda tau ngereja utai nunda ka peneka diri.” Dalam hal tu, ati kitai deka ngereja pekara ka paling dikerindu ka Allah Taala, tang tubuh kitai lemi dalam ngereja pekara nya. Pengudusan tu digambar ka kitai sebagai pemulihan rohani pengidup roh kitai ti dikerja ulih Roh Kudus. Saat kitai udah nerima Kristus, Roh Kudus datai dalam pengidup kitai ti mai kitai ngagai proses perubahan ti disebut kitai “pengudusan progresif”, iya ngajar kitai pekara ti patut diubah dalam pengidup kitai awak ka kitai idup kudus. Ambi ka chunto; nyaka kitai suah salah dalam pengarap kitai, pengidup kitai sereta chara ulah kitai, tang Allah Taala ulih Roh Kudus iya deka bekerja aba kitai mai kitai pansut ari endul ke tusah nya. Kadang-kadang kitai ngasai ka proses pengudusan Tuhan tu pedis, tang ujung iya kitai deka ngasai ka penyamai pengudah kitai suman ari penyakit nya. Tu meh proses pengudusan aba tiap pengidup orang ke arap. Tajapan proses tu bersifat peribadi, tang penuju aba pengujung iya deka ngelari ka kitai ari dosa tauka deka miah ka kitai ari dosa ngagai pengidup ti kudus aba rohani kitai[7].

9. Hasil ari Pengudusan.

Orang ti dikuduska deka nukar tauka badu agi berunding ka utai di dunya tu tang semina nitih pikir enggau runding Jesus Kristus aja. Iya mega enda nitih ka pengingin dunya tu kelebih agi aba reta tengkira tauka duit laban iya deka nemu Kristus meh ti reta ti lebih agi berega dalam pengidup iya. Ambi ka chunto aba bansa kitai iban dulu kelia, sida mina nyembah petara leboh maya beguna aja sereta setaun sekali aja. Pengudah nyadi orang Kristian sida agi mengkang nyebah Allah Taala baka sida nyebah petara ngapa sida kelia. Semina nengah pengudusan sida deka suah agi datai ngagai Allah Taala, laban proses ari pengudusan tu ngajar tiap orang Kristian patut ngereja semua utai ke diajar ari Bup Kudus kelebih agi ngasi ka jako Allah Taala.

Tiap ati orang kea rap orang ti udah dikuduska, sida dipeda nyelai agi ari orang bukai kelebih agi dalam chara pendiau ti penuh mandang ka pengerindu sesama mensia(Kol 4:6), pia mega ngagai Allah Taala, datai ka sida mina manggai ka semua pekara ngagai Allah Taala kelebih agi pengidup sida, datai ka sida deka nyebut; “Tang nunda ka peneka nuan, ukai nunda ka peneka aku.” Luke 22:24.

10. Penutop

Pengudusan ditemu kitai ukai dalam reti kitai tuchi nadai dosa laban mensia enda ulih lari ari dosa; “Enti kitai bejako ngumbai diri nadai penyalah, kitai ngelakar diri empu, lalu nadai pengamat ba kitai.” 1 John 1:3. Pengudusan tu ngajar kitai Kristian awak ka kitai datai ngagai pengidup ke sempena(sempurna) dalam kaul kitai ti nangi sereta ngasi ka Allah Taala(2 Kor 7:1). Pengudusan tu mega ngajar kitai awak ka kitai meruan kering ngelaban kuasa dosa dalam pengidup kitai, laban dalam pengudusan tu Roh Kudus bekereja dalam kitai. Amin.

---

[1] J. Wesley Brill, “Dasar yang Teguh”, (Sabah & Sarawak: Sidang Injil Borneo, 1989) 230.

[2] J. Wesley Brill, “Dasar yang Teguh”, (Sabah & Sarawak: Sidang Injil Borneo, 1989) 232.

[3] J. Wesley Brill, “Dasar yang Teguh”, (Sabah & Sarawak: Sidang Injil Borneo, 1989) 230.

[4] J. Wesley Brill, “Dasar yang Teguh”, (Sabah & Sarawak: Sidang Injil Borneo, 1989) 236.

[5] G. I. Williamson, “Pengakuan Iman Westminster”, (Momentum Christian Literature, 2006),174.

[6] G. I. Williamson, “Pengakuan Iman Westminster”, (Momentum Christian Literature, 2006), 176.

[7] http://www.allaboutfollowingjesus.org/sanctification.htm.

Jako Pemuka

Dalam atikal tu bejako ka pasal bakani Allah Taala mandang ka diri ngagai mensia sereta jalai tauka gaya iya ngayan ka diri ngagai mensia. Dalam reti jako tu, kitai ngambi ‘Allah Taala mandang ka diri(penampakan Allah). Dalam reti jako mandang tauka penampakan, iyanya kerja tauka tindakan Allah Taala deka mandang tauka memperkenalkan diri-Iya ngagai mensia, awak ka mensia ulih ngelala-Iya tauka ngembuan penemu pasal Iya. Ari nya mega ulih pekenalan Iya ngagai mensia, maka mensia ulih nyembah Iya.

Dalam note tu kitai deka mansik bakani Allah Taala mandang ka diri ngagai mensia sereta jalai iya mandang ka diri. Kedulu kitai patut meda bakani Allah Taala mandang ka diri dalam Sempekat Lama.

Allah Taala mandang ka diri dalam Sempekat Lama.

Dalam Sempekat Lama, ukai semina siti tauka dua jako aja kena nerang ka pasal Allah Taala mandang ka diri tauka perkenalkan diri. Aba Pemungkal 12:1-3, madah ka pasal Allah Taala bejako enggau Abraham , Allah Taala ngasuh iya ningal menua iya, sebilik iya sereta ari rumah apai iya ngagai menua ti deka ditunjuk ka Allah Taala ngagai iya, lalu Allah Taala besemaya deka ngaga siti bangsa ke besai ari iya sereta merekat ka iya nyadi bangsa ke beberekat. Belalau ari Pemungkal 12:1-3 tu tadi, Allah Taala mandang ka diri nengah jako, jako ti alus(bisikan) dalam ati Abraham, laban chara pertemuan Abraham enggau Allah Taala suah diulang dalam petemuan pribadi, antara Allah Taala enggau Abraham(cth: aku enggau nuan, nuan enggau aku). Pekara tu nyadi mega aba sida Nabi ke bukai, iyanya Jakop enggau Musa sereta nabi ke bukai aba Sempekat Lama.

Dalam Sempekat Lama mega madah ka salah siti jalai Allah Taala mandang ka diri ngagai mensia, iyanya nengah karya-karya Iya, Iya ngayan ka diri nengah kerja nyelai, Pemansut 3, Allah Taala ngayan ka diri ngagai Moses nengah daun api(Pemansut 3:2). Lebuh di bukit Sinai(bukit ti kudus) Allah Taala ngayan ka diri ngagai Moses nengah daun api, asap sereta bunyi guntor ti balat. Kelimpah ari nya mega, Allah Taala mandang ka diri nengah kerja ti besai: meraka Tasik Mirah, mana, ai pansut ari batu, bah besai sereta mayuh agi. Nyadi, semua tu dikena Allah Taala mandang ka diri sereta perkenalkan diri ngagai mensia iya endang Allah Taala ti idup sereta bekuasa.

Sempekat Baru Allah Taala ngayan ka diri dalam Kristus

Dalam Sempekat Baru Allah Taala enggau terang mandang ka diri ngagai mensia dalam iya bekaul enggau mensia aba dunya. Dalam injil nerang ka pengidup Jesus sereta ministry iya dalam ngenatai ka perintah Allah Taala. Aba baruh nya kitai deka meda sereta mansik gaya tauka jalai Allah Taala mandang aka diri nengah Kristus.

Kristus nya Allah Taala iya empu

A. John 1:1 “Iya enggau Allah Taala, lalu iya endang Allah Taala.

-

B. John 1:18 “Nadai siko orang udah meda Allah Taala. Semina Anak Tunggal ti endang Allah Taala lalu berimbai dudok enggau Apai, iya ti udah nusoi pasal Apai.”

Kristus disebut Anak Allah Taala.

Jesus mega dikumbai Anak Allah Taala, dalam bup Injil mayoh madah ka Kristus endang Anak Allah Taala, nyadi tu mandang ka siti ari gaya Allah Taala mandang ka diri kelebih agi perintah iya ngagai mensia nengah Anak Iya ti tunggal iyanya Jesus Kristus. Ba baruh tu kitai deka meda saksi ari tiap injil madah ka Jesus endang anak Allah Taala.

A. Matthew 16:16-17 “Nuan tu Kristus Anak Allah Taala” – jako Peter

- Matthew 14:33 “Amat meh nuan tu Anak Allah Taala!” – bala murid

B. Mark 1:1 “Jesus Kristus ti Anak Allah Taala” - Mark

- Mark 14:61 “Kati nuan amat Kristus, Anak Allah Taala ti beberekat?” – Imam Besai

- Mark 5:7 “Jesus Anak Allah Taala ti Pemadu Tinggi!” – sitan

C. Luke 1:32 “Anak Allah Taala ti Pemadu Tinggi” – Malikat

- Luke 4:41 “Nuan nya Anak Allah Taala!” – Sitan

D. John 1:18 “Iya enggau Allah Taala, lalu iya endang Allah Taala.” – John

Kristus disebut Tuhan

Dalam bup Injil mega madah ka Jesus endang Tuhan, Tuhan ari atas semua Tuhan laban iya endang Allah Taala iya empu. Ba baruh kitai meda sekeda ari bagi ba bup Injil madah ka Jesus Kristus endang Tuhan Allah Taala iya empu.

A. Matthew 22:43-45 “ko Jesus, David empu ngumbai Jesus endang Tuhan”

- Matthew 26:22 “ukai aku ti ko nuan Tuhan?” – jako ari murid Iya.

B. Mark 2:28 “Nya alai Anak Mensia ti endang Tuhan Hari Sabat.” – Jesus bejako ka diri empu.

C. Luke 6:46 “Mensia ngagau ka iya Tuhan, Tuhan”

- Luke 24:34 “Murid-murid iya ngagau ka iya Tuhan.”

D. John 13:13 “Kita ngumbai aku Pengajar enggau Tuhan, ngena jako kita nya, laban aku endang amat.” – jako tu disebut Kristus empu.

E. SPKR 4:33; 9:7; 10:36; 26:15 – jako ari murid madah ka Kristus endang Tuhan.