Lahir dan Perubahan

Kitai mati ketegal Dosa

Nama kebuah kitai patut bejako ka pasal pemati, sedang ka pengidup lebih beguna ari pemati, pengidup baru enggau nyadi mensia ti baru. Kebuah iya, iya nya bepangai ba leka jako utai ti baru enda ulih datai sebedau utai ti lama udah nyadi. Nya kebuah rasul Paul madah “iya ti lama nadai agi, iya ti baru udah datai” (2 Korint 5:17).

Jako Tuhan suah madah pasal orang ti arap iya nya orang ti udah mati ketegal dosa, mati ketegal diri kitai empu, laban sebedau nya kitai mensia ti lama pia mega mati ari pengidup ke lama ti diperintah kuasa dosa. Pia mega jako Rasul Paul terang bendar madah aba Rome 6:6-7, “Lalu kitai nemu tu: pendiau kitai ti dulu udah diregang begulai enggau Kristus, awak ka tubuh kitai ti diperintah gaya pengidup mensia ti bedosa ari asal tau dirusak, ngambi ka kitai enda agi nyadi ulun dosa. Laban leboh orang mati, iya dilepas ka ari kuasa dosa.” Rome 6, Rasul Paul nerang ka reti baptisa sereta hasil kepenting ari baptis, iya nya dilepas ari ulun dosa. Ari ayat nya tadi kitai meda iya nya jako Paul madah “mensia lama” kitai udah diregang, awak ka “tubuh dosa” kitai lenyau kuasa iya. Leka jako “mensia lama” dalam jako Greek “palaios anthropos”. Lalu “tubuh dosa” bereti tubuh ti diperintah kuasa dosa. Nya meh tubuh ti “lenyau kuasa” iya maya dibaptis. Maya kitai besaum enggau Kristus lebuh dibaptis, tubuh dosa – tubuh ti diperintah kuasa dosa – deka “dihancur ka”.

Mensia: Tubuh enggau Roh

Rome 6:6, tadi bejako ka pasal mensia ti lama kitai. Bup Kudus bejako ka pasal mensia ti ngembuan dua bengkah: tubuh enggau roh. Kitai enda meda ari segi sains(usus-usus mensia), tang dalam Bup Kudus madah mensia ngundan dua bagi: ti rohani enggau jasmani. Ambi ka chunto, Matthew 26:41 madah ka “Bejaga-jagalah dan berdoalah, supaya kamu jangan jatuh ke dalam percobaan: Roh memang penurut, tetapi daging lemah.” Dia kitai meda, roh lemah dikalah ka tuboh(daging). Enti roh deka menang, tuboh(daging) patut dilumpuhkan(dikalah ka) ulih kuasa atas diri kitai. Rome 8:10 mega bejako ka pasal tubuh enggau roh: “Tang enti Kristus diau dalam ati kita, taja tuboh kita mati kategal dosa, tang Roh Kristus nya nyadi ka pengidup ati kita laban kita udah digaga lurus di moa Allah Taala.” Adakah tuboh kitai mati? Enda, iya agi idup sereta gerai. Reti iya tubuh dienjuk ngagai pemati kena ngacur ka dosa dalam tuboh kitai lalu ngelenyau ka kuasa nya dalam tuboh kitai. Hasil iya, roh nyadi idup dalam pemendar. Roh dalam ayat tadi bereti roh mensia, enti roh kitai idup kitai deka ngembuan kaul ti semak enggau Roh Kudus ari Allah Taala.

Ada Baru enggau Pengubah

Mayoh orang Kristian agi bedau nemu reti ada baru. Dalam bab tu kitai deka merati enggau dalam pasal topic-topik kepenting tu. Kitai belabuh meda ari bup Titus 3:3-7

“Laban kita empu dulu menya lap, enda ngasi sereta salah. Kitai udah diperintah pengingin enggau pengerindu ka mayoh macham utai. Kitai pedis ati sereta kepapas ka orang; orang begedi ka kitai lalu kitai begedi ka sida. Tang leboh penelap enggau pengerindu Allah Taala ti Pengelepas kitai pegari, iya ngelepas ka kitai, ukai ketegal pemanah pengawa ti udah dikereja kitai, tang laban pengasih iya empu. Iya ngelepas ka kitai leboh Roh Kudus masu kitai ulih iya ngada ka kitai baru sereta ngubah pendiau kitai. Allah Taala ngiri ka Roh Kudus atas kitai, ulih Jesus Kristus ti Pengelepas kitai, awak ka kitai dikumbai lurus ulih Pengasih Allah Taala lalu bempu pesaka pengidup meruan, ti endang di-adang kitai.” (Titus 3:3-7)

Aba ayat tu kitai meda ba ayat ke terang bendal bejako ka pasal “ada baru enggau pengubah”. Kitai sebagai orang kristian patut mereti ka jako tu, laban leka jako tu bekait enggau pengidup secara peribadi kitai empu. Aba Titus 3:5 “Iya ngelepas ka kitai. Ukai ketegal pemanah pengawa ti udah dikereja kitai, tang laban pengasih iya empu. Iya ngelepas ka kitai ulih iya ngada ka kitai baru sereta ngubah pendiau kitai.” Leka jako nya tadi dipun enggau jako “iya ngelepas ka kitai”. Pengelepas ukai dikereja ngagai mensia tang aba peneka Allah Taala pia mega pengelepas ukai setakat utai ti dikereja aba kitai tang iya dikereja ka Allah Taala aba dalam pengidup kitai. Lebuh nyadi orang Kristian, keterubah kitai patut diada ke baru, udah nya pengubah. Pengubah iya nya siti proses ti deka dipeda kitai ila. Tang ada baru ukai proses ti beterusan, sama baka ada baru dalam jasmani ti nyadi semina sekali. Kitai enda terus diada sepemanjai pengidup kitai. Kitai diada semina sekali lalu kitai betumbuh sereta idup.